Əl-Qaidə ilə əlaqəli qrup onlarla Somali hərbçisini öldürdü

Somalidə “Əl-Qaidə” ilə əlaqəli yaraqlıların “Əş-Şəbab” qruplaşmasının Orta Şabelle əyalətində hücumu zamanı ölkə silahlı qüvvələrinin onlarla hərbçisi həlak olub.

Publika.az xəbər verir ki, terrorçular Moqadişonun altmış kilometrliyində yerləşən hökumət qoşunlarına hücum ediblər. Hücum kamikadzenin partlayıcı ilə doldurulmuş avtomobildə özünü partlatması ilə başlayıb.

Məlumata görə, hücum zamanı altmış təhlükəsizlik işçisi həlak olub, silah və texnika yaraqlıların əlinə keçib.

Somalinin Müdafiə Nazirliyi hərbi hissənin ərazisinə soxulmağa cəhd edən iyirmi terrorçunun məhv edildiyini açıqlayıb.

Publika.az