Fələstinli məhbus 40 ildən sonra azad edilib-Foto

Fələstinli məhbus Mahir Yunis sionist rejimin həbsxanalarında 40 il əsirlikdə qaldıqdan sonra nəhayət ailəsinin yanına qayıdıb.

Fələstinli məhbusların ən qədimi olan “Mahir Yunis” bu gün səhər (cümə axşamı) 40 illik əsirlikdən sonra xalqın coşğulu qarşılaması ilə vətənə qayıdıb.

Əl-Ərəbiyyəl-Cədid internet saytının məlumatına görə, sionist hakimiyyət ötən gecə Mahir Yunisin azad edildiyini elan edib və eyni zamanda onlarla hərbi maşın vəziyyətə nəzarət etmək üçün onun yaşadığı Hayfa ətrafında yerləşən “Vadi Areh” kəndinə daxil olub.

İşğal altındakı Fələstinin cənubundakı Ohli Kidar həbsxanasından çıxdıqdan sonra bu fələstinli məhbus Hayfaya getdi və minlərlə fələstinli onu Vadi Areh kəndinə gələndə qarşıladı.

Qardaşı Nadir Yunis Əl-Ərəbiyyəl-Cədidə bildirib ki, sionist rejim onların ailələrinə qarşılanma mərasimi keçirməmək üçün çox təzyiqlər göstərib, lakin onlar Mahir Yunisin şərəfinə mərasim keçirməkdə qərarlıdırlar.

İki həftə əvvəl Mahir Yunisin əmisi oğlu Kərim Yunis 40 illik əsirlikdən sonra həbsdən azad edilib. Mahir Yunis 1983-cü il yanvarın 18-də və Kərim Yunisin həbsindən bir neçə ay sonra həbs edilib.

Onlar sionist rejimə qarşı silahlı qarşıdurmada, bir əsgərin ölümündə və Fəth hərəkatının üzvü olmaqda ittiham olunublar.

Mahir Yunis əvvəlcə ölüm cəzasına məhkum edilmişdi, sonra bir neçə aydan sonra onun cəzası ömürlük həbslə dəyişdirilib və 2012-ci ildə 40 ilə endirilib. Atası 2008-ci ildə vəfat edib və oğlunun azadlığa çıxmasını görə bilməyib.

Əl-Məyadin kanalına verdiyi qısa müsahibədə o, tək istəyinin Fələstinli qruplar arasında birlik və həmrəylik olduğunu dilə gətirib və deyib ki, əgər fələstinlilər bir yerdə olsaydılar, indiyə qədər Fələstin azad edilmişdi.