Forbes: “Oqab-44” İran Hərbi Hava Qüvvələrinin cavab hücumları üçün strategiyasıdır-Foto
Amerika saytı yazıb ki, “Oqab-44” bazası yerin dərinliklərində yerləşən İran qırıcılarının uzaqmənzilli qanadlı raketlərindən istifadə edərək vaxtında cavab hücumları həyata keçirdiklərini göstərir.
Amerika saytı İranın “Oqab-44” strateji bazasını nümayiş etdirməsi barədə yazıb:
“Oqab-44” bazasının mövcudluğu onu göstərir ki, düşmənin hava hücumu başa çatdıqdan sonra İran qırıcıları uzaqmənzilli qanadlı raketlərdən istifadə etməklə əvvəlcədən müəyyən edilmiş hədəflərə cavab hücumları həyata keçirmək qabiliyyətinə malikdir.
Amerikanın “Forbes” saytı çərşənbə günü yazıb ki, İran daha əvvəl silahlı pilotsuz uçan aparatlar və ballistik raketlərlə təchiz olunmuş bazaların video və şəkillərini dərc edib və istənilən hücuma müqavimət göstərmək və ona qarşı çıxmaq qabiliyyətinə dair xəbərdarlıqlar edib.
İran qırıcılarının yerli raketlərlə təchiz edilməsinə toxunan bu internet saytı yazıb ki, İran 2019-cu ilin yanvarında özünün “Qasid-3” qanadlı raketini “F-4 Phantom” qırıcılarında nümayiş etdirib.
2018-ci ildə İslam İnqilabı Keşikçiləri Korpusunun Aerokosmik Qüvvələri 10 Suxo-22 Fayter döyüş təyyarəsini yenidən hazırladığını və onların 1500 km mənzilli qanadlı raketləri atmaq qabiliyyətinə malik olduğunu açıqladı.
İran Hərbi Hava Qüvvələri həmçinin F-4, Suxoi-24 və F-14 Tomcat qırıcılarını “Nur” gəmi əleyhinə raketlərlə təchiz edib.
İran öz hava qüvvələrini qoruyub.
Bu internet saytına görə, İran on illərdir ki, öz hava qüvvələrini düşmənin mümkün hücumlarından qorumaq üçün mühüm addımlar atıb.
1980-ci ilin sentyabrında İraq Bəəs Ordusu 1967-ci il Altı Günlük Müharibədə İsrail rejimi tərəfindən Misir hava qüvvələrinin müvəffəqiyyətlə məhv edilməsindən sonra modelləşdirilmiş genişmiqyaslı qəfil hücumda İranın daha təkmil hərbi hava qüvvələrini məhv etməyə cəhd etdi.
Lakin o müharibədə Misirin məğlubiyyətindən dərs alan İran bir neçə gücləndirilmiş anqar tikməklə özünü belə bir hücuma hazırlamışdı. Bu hava hücumu Bəs rejimi üçün böyük bir məğlubiyyət oldu və İraq daha çox təyyarə itirdi.
