Çin ABŞ-ın bu şirkətlərinə sanksiyalar tətbiq edib
Çin cümə axşamı Tayvana silah satışına görə ABŞ-ın hərbi podratçıları “Lockheed Martin” və “Raytheon” ticarət və investisiya şirkətlərinə sanksiyalar tətbiq edib.
Publika.az xəbər verir ki, ölkənin Ticarət Nazirliyi bu şirkətlərə Çinə mal idxal etmək və ya ölkəyə yeni investisiyalar qoymağı qadağan edib.
Sanksiyaların “Lockheed Martin” və ya “Raytheon”a necə təsir edəcəyi hələlik bəlli deyil. ABŞ Çinə silah texnologiyası satışını qadağan edir, lakin bəzi hərbi podratçıların aerokosmik və digər bazarlarda mülki biznesləri var.
Publika.az
