Lukaşenko hədələdi: Cavab tez, sərt və adekvat olacaq

Belarus prezidenti Aleksandr Lukaşenko rəhbərlik etdiyi ölkəyə qarşı istənilən aqressiv hərəkətə sərt və tez cavab veriləcəyi ilə hədələyib.

Publika.az bu barədə xarici KİV-ə istinadla xəbər verir.

“Tərəfdaşlarımız bilməlidirlər ki, Belarusun sülhsevərliyi qurbanın sinonimi deyil. Hər hansı bir təcavüz halında, bir neçə dəfə dediyim kimi, cavab tez, sərt və adekvat olacaq”, – Belarus lideri Təhlükəsizlik Şurasının yenilənmiş Milli Təhlükəsizlik Konsepsiyası layihəsinin hazırlandığı iclasda təfərrüatları bölüşüb.

Belarus dövlətinin başçısı qeyd edib ki, Minsk öz prioritetlərini birbaşa və açıq şəkildə bəyan etməli, siyasətin şəffaflığını və məsuliyyətli tərəfdaş kimi ölkənin etibarlılığını dünya ictimaiyyətinə nümayiş etdirməlidir.

Publika.az