Səfirliyin əməkdaşları təxliyə edildi

ABŞ-ın Böyük Britaniyadakı səfirliyinin əməkdaşlarının bir hissəsi təxliyə edilib, qalanlarından isə adı açıqlanmayan təhlükəsizlik riski səbəbilə pəncərələrdən uzaq durmaları istənilib.

Publika.az xəbər verir ki, bu barədə Britaniyanın “The Daily Mail” qəzeti məlumat yayıb.

Nəşrin məlumatına görə, hüquq-mühafizə orqanlarının əməkdaşları binadadır. Yaxınlıqdakı evlərdən birinin sakini qəzetə bildirib ki, ərazini silahlı polis və iyləyən itlər izləyir.

Təhlükənin səbəbləri hələlik açıqlanmayıb. London polisi hadisədən xəbərdar olduqlarını bildirib.

Publika.az