Hindistan Rusiya neftini su qiymətinə alır

Hindistan Rusiyadan nefti G7 ölkələri tərəfindən müəyyən edilmiş tavan qiymətindən qat-qat ucuz alır. ABŞ rəsmilərinin fikrincə, bu, həm Hindistan iqtisadiyyatı, həm də neft bazarlarının sabitləşməsi üçün yaxşıdır.

Publika.az xəbər verir ki, bu barədə “Bloomberg” Dövlət Departamentinin adının açıqlanmasını istəməyən yüksək səviyyəli rəsmilərinə istinadən xəbər verir.

Bayden administrasiyası hökumət rəsmiləri ilə Hindistanın Rusiya neftinin alınması məsələsini müzakirə etməyə davam edəcək, lakin indiyə qədər Yeni Dehlinin nefti müəyyən edilmiş qiymət tavanından xeyli aşağı qiymətlərlə almasından məmnundur.

Hindistanın Rusiya neftini alması ABŞ və Hindistan arasında təkrarlanan müzakirə mövzusudur, çünki Vaşinqton Ukraynaya qarşı müharibədə Rusiyanı gəlirdən məhrum etməyə çalışır.

Publika.az