Əfqanıstanda mədəniyyət mərkəzində partlayış olub, ölən və yaralananlar var
Əfqanıstanın şimalında mədəniyyət mərkəzində partlayış baş verib.
APA xəbər verir ki, bu barədə “Hasht-e Subh” nəşri yerli mənbələrə istinadən məlumat yayıb.
Bildirilib ki, Əfqanıstanın şimalındakı Bəlx vilayətinin Məzari-Şərif şəhərindəki mədəniyyət mərkəzində güclü partlayış baş verib və nəticədə azı 4 nəfər həlak olub, 16 nəfər yaralanıb.
Hadisə nəticəsində ölənlərin arasında jurnalistlərin olduğu bildirilib. Partlayışın səbəbləri açıqlanmayıb.
Apa.az
