Sionist zabitlər Netanyahunun kabinetinə qarşı aksiya keçirib
Sionist mediası elan edib ki, İsrail donanmasının məzunları bu gün (cümə axşamı) Tel-Əvivdə kütləvi nümayiş təşkil ediblər.
İRNA-nın Əl-Məyadin-ə istinadən verdiyi məlumata görə, sionist etirazçılar Aşdod limanının cənub qapısını bağlayıblar.
Bu media nümayişçilərin təkərləri yandıraraq Tel-Əvivdə Kablan yolunu və Aşdod limanının girişini bağladıqlarını açıqlayıb.
Əl-Məyadin müxbiri həmçinin elan edib ki, sionist rejimin ehtiyatda olan zabitləri işğal olunmuş Qüdsdə Şas partiyasının lideri və Netanyahunun kabinetinin üzvü Arieh Dərinin evi qarşısında etiraz aksiyası təşkil ediblər.
Bu xəbərə əsasən, son vaxtlar radikal sionist hökumətin məhkəmə islahatı planına etirazların güclənməsi və bu plana qarşı hərbi itaətsizlikdən sonra media mənbələri İsrail Hərbi Hava Qüvvələrinin məxfi bölməsinin 100 zabitini hərbi xidmətdən ayrılaraq müxalifətə qoşulacaqlarını açıqlayıb.
İşğal olunmuş ərazilərdə nəşr olunan “Haaretz” qəzeti bu zabitlərin özlərinin imzası ilə mətbuatda dərc olunan məktubda Kabineti tətillə hədələdiyini açıqlayıb.
Bu qəzet elan edib ki, bu məktubu imzalayanlar arasında İsrail Hərbi Hava Qüvvələrinin iki keçmiş komandiri var. Amma qəzet həmin şəxslərin kimliyini açıqlamayıb.
Ötən həftələrdə işğal olunmuş Fələstinin şimalından cənubuna qədər onlarla şəhər, o cümlədən, Tel-Əviv, Hayfa, işğal olunmuş Qüds, Birəs-Səba, Rishon Letzion və Herzliya Netanyahunun ifrat sağçı kabinetinə qarşı nümayişlərə səhnə olub.
Bu nümayiş Netanyahunun başçılıq etdiyi ifrat sağçı kabinet koalisiyası ilə sionist rejimin keçmiş baş naziri Yair Lapidin rəhbərlik etdiyi müxalifət fraksiyası arasında şiddətli qarşıdurmanın kölgəsində keçirilib.
Sionist rejim müxalifətinin liderləri Netanyahunun kabinetinin məhkəmə islahatlarını məhkəmə sistemini zəiflətmək və onun üç korrupsiya və rüşvət işi üzrə mühakimə olunmasının qarşısını almaq cəhdi hesab edir. Onlar bu addımların vətəndaş müharibəsinə aparacağını düşünür.
