The Times of Israel: Netanyahu Həmas və Hizbullah ilə müharibədən qorxudadır
“The Times of Israel” yazıb ki, Benyamin Netanyahu kabinet nazirlərinə daxili fikir ayrılıqlarına görə, Tel-Əvivin HƏMAS və Hizbullahla münaqişəyə cəlb edilməməsinin zəruriliyini vurğulayıb.
“The Times of Israel” qəzeti xəbərində yazıb ki, sionist rejimin baş naziri Benyamin Netanyahu bir çox cəbhələrdə gərginliyin artmasının qarşısını almağa və ondan xilas olmağa çalışır və kabinet nazirlərinə vurğulayıb ki, Tel-Əviv artan daxili qarşıdurmaların ortasında HƏMAS və Hizbullahla qarşı-qarşıya qala bilməz.
“Russia Today” xəbər saytının məlumatına görə, bu ibrani qəzeti Netanyahunun hərbi nazir Yoav Qalant, Xarici İşlər Naziri Eli Koen, Daxili təhlükəsizlik naziri Itmar Ben Guer, Strateji İşlər Naziri Ron Dermer və digər yüksək səviyyəli təhlükəsizlik rəsmiləri ilə münaqişə cəbhələrinin genişlənməsinin qarşısının alınmasının vacibliyi barədə danışıqlar apardığını yazıb.
Sionist rejimin baş naziri məhkəmə islahatları planını təqdim etdikdən sonra işğal olunmuş ərazilərdə aylardır davam edən iğtişaşlardan sonra xarici münaqişələr barədə etiraf edib:
İsrail özünü daha genişmiqyaslı qarşıdurmalara və münaqişələrə sürükləməkdən çəkinməli və vahid cəbhə təqdim etməlidir.
Sionist rejimin 12-ci kanalı da bu görüşdə Netanyahunun sözlərini sitat gətirib:
“Digər məsələlərdə aramızda kifayət qədər fikir ayrılığı var. Biz hər yerdən – həm müxalifətdən, həm də küçələrdən – iğtişaşlarla qarşı-qarşıyayıq.”
Bu kanalın hesabatının davamında bildirilir ki, Netanyahu Tel-Əvivin təhlükəsizlik məsələlərini də etiraf edir: Hökumət daxilində lazımsız fikir ayrılıqlarından qaçmalıyıq. Hökumət koalisiyası öz gücünü və birliyini nümayiş etdirməlidir.
İsrail ordusu iki gecə əvvəl Qəzzə zolağına hücumlara başladığını elan edərkən Təl-Əviv kabineti rəsmiləri arasında bu təhlükəsizlik qorxuları artıb.
“Əl-Cəzirə” xəbər kanalı İsrail qırıcılarının Qəzzə zolağında Fələstin müqavimət qüvvələrinə aid bazanı ilk hücumlarında hədəfə aldığını bildirib.
Saatlar sonra Livanın cənubunu hədəfə alan işğalçılar bölgədəki müqavimət hərəkatlarından ciddi xəbərdarlıq alıblar.
HƏMAS İslami Müqavimət Hərəkatı öz bəyanatında sionist işğalçı rejimin Livanın cənubundakı Sur şəhərinə hücumlarını pisləyərkən, bu cinayətin işğal rejimi rəhbərlərinin vəhşiliyini və regionda sülh və təhlükəsizliyi təhdid edən siyasətlərini əks etdirdiyini vurğulayıb.
Ərəb Dövlətləri Liqası, İslam Əməkdaşlıq Təşkilatı və Birləşmiş Millətlər Təşkilatı da bu hücumlardan sonra işğalçı rejimin cinayətlərini dayandırmaq üçün təcili tədbirlər görməyə çağırıb.
