Rusiya təşvişdə – NATO bu ölkələrdə nüvə silahı yerləşdirəcək

İyulda keçiriləcək sammitdən sonra NATO ölkələri Baltikyanı ölkələr və Polşanı nüvə silahı ilə təmin edə bilər.

Publika.az xəbər verir ki, bu barədə “Bloomberg” məlumat yayıb.

“İyulda NATO müttəfiqləri 2022-ci il fevralın 24-dən sonra ikinci sammit üçün Vilnüsdə toplanacaq. NATO Rusiya tərəfindən istənilən nüvə silahının yayılmasına nəzarət etmək planlarını elan etməlidir. Əgər o Belarusu nüvə başlıqları ilə təmin edərsə, o zaman NATO başlıqlarını Baltikyanı ölkələrdə və ya Polşada yerləşdirəcək”, – bəyanatda deyilir.

Qeyd olunur ki, sammitdə nüvə silahının yayılması məsələsi müzakirə oluna bilər.

Aprel ayında ABŞ-ın keçmiş prezidenti Donald Tramp demişdi ki, dünya nüvə silahından qurtulmalıdır. O qeyd edib ki, bu silah növünün dünyada yayılması məsələsi qlobal istiləşmədən qat-qat önəmlidir.

Publika.az