CNN: İsrail varlıq böhranı ilə üz-üzə və uçurumun kənarındadır

CNN xəbər şəbəkəsinin internet saytı İsrailin 75-ci ildönümündə təhlükəli vəziyyətdə və bu rejimin uçurumun kənarında olduğunu təsdiqləyib.

Amerika mediası bugünkü təhlilində bu rejimin 75-ci ildönümündə sionist rejimin vəziyyətini müzakirə edərək İsrailin “təhlükəli vəziyyətdə” olduğunu yazıb.

CNN internet saytı “Bölünmüş İsrail 75-ci ildönümündə təhlükəli vəziyyətdədir” başlıqlı təhlilində yazıb ki, İsrail 1948-ci ildə İkinci Dünya Müharibəsindən sonra müstəqilliyini elan edərkən Tel-Əviv azmərtəbəli evləri olan kiçik bir şəhər idi.

Amerika mediası yazısını davam etdirib: “Bir vaxtlar qum təpələrinin olduğu həmin yerlərdə bu gün ən zəngin texnologiya şirkətlərinin yer aldığı göydələnlər tikilib.”

Təhlil davam edir: “Lakin İsrailin yüksəlişi təsirli olsa da, bu rejim 75-ci ilində daimi xarici təhlükələrlə üzləşərkən uçurumun və varlıq böhranının kənarında olduğunu hiss edir.”

CNN daha sonra bir neçə gün əvvəl yəhudi qruplarında yetişdirilən sionist rejimin başçısı “İshaq Herzoq”un bu ifadələrini sitat gətirib:

“Son aylarda İsrailin yolu ilə bağlı qızğın müzakirələr müxtəlif qruplar arasında nifrətin və illərdir davam edən qütbləşmənin İsraili necə aşındıra biləcəyinə və millətimizi bir yerdə saxlayan sütunları zəiflədə biləcəyinə bariz nümunədir.”

Herzoq həmin çıxışda əlavə etdi: “Məninanıram ki, bizim üçün daxildən gələn təhlükədən daha böyük bir təhlükə yoxdur.”

Hersoqun istinad etdiyi qütbləşmələr İsrailin Baş naziri Benyamin Netanyahunun məhkəmə islahatları planlarının tərəfdarları və əleyhdarları arasında görünməmiş fikir ayrılıqlarında xüsusilə nəzərə çarpırdı.

CNN yazır: “Həmin qanun layihəsi İsraili tarixində ən böyük və ən uzun etiraz hərəkatına sürüklədi.”

Ötən aylarda yüz minlərlə israilli Netanyahunun planına etiraz etmək üçün küçələrə çıxıb.

Amerika mətbuatı İsrailin son siyasi böhranının səbəblərindən birinin konstitusiyanın olmaması olduğunu yazıb: “İsrail qurulanda konstitusiya hazırlanmalı idi, lakin mübahisələr prosesin ləngiməsinə səbəb oldu. Həmin vaxtdan 75 il keçir və bu gecikmə davam edir”.