Putin Tacikistan Prezidentini Qələbə Günü ilə bağlı mərasimə dəvət edib
Rusiya prezidenti Vladimir Putin Tacikistan prezidenti Emoməli Rəhmonu Böyük Vətən müharibəsində qələbənin 78-ci ildönümünün qeyd edilməsində iştirak etməyə dəvət edib.
APA-nın Moskva müxbiri TASS-a istinadən xəbər verir ki, bu barədə Tacikistan rəhbərinin mətbuat xidməti məlumat yayıb.
Bildirilib ki, Putin və Rəhmon arasında telefon danışığı bu gün baş tutub.
“Hörmətli Vladimir Putin xalq liderini Qələbə Günü ilə bağlı tədbirlərdə iştirak etmək üçün Moskvaya səfərə dəvət edib”, – deyə məlumatda qeyd olunub.
Bundan başqa prezidentlərin Tacikistan-Əfqanıstan sərhədindəki vəziyyəti müzakirə etdikləri bildirilib.
Apa.az
