İslami Cihad: Fələstin müqaviməti işğalçı rejimlə böyük döyüşün astanasındadır

İslami Cihad hərəkatının liderlərindən biri iki fələstinli gəncin Tülkərimdə şəhadətinə cavab olaraq, “işğalçılar Fələstin torpağında olduqları müddətdə şəhidlər karvanının davam edəcəyi”ni vurğulayıb.

Fələstin İslami Cihad Hərəkatının siyasi ofisinin üzvü “Əhməd Əl-Mudəlləl” deyib: “Fələstin torpağında şəhidlərin pak qanının axıdılması sionist rejimə qarşı müqavimət atəşini alovlandırır.”

Əl-Mudəlləl iki fələstinli gəncin Tulkərimdəki Nur Şəms düşərgəsində şəhid olmasına toxunaraq deyib: “İşğalçılar torpağımızda olduqları və Fələstin xalqını vəhşicəsinə öldürməyə başladığı müddətcə şəhidlər karvanı davam edəcək.”

Fələstin Əl-Yəvm kanalının məlumatına əsasən, İslami Cihad siyasi ofisinin bu üzvü Fələstin xalqı və müqavimətinin işğalçılarla böyük və həlledici bir döyüş astanasında olduğuna işarə edərək deyib: “İşğalçı rejim illüziya içində yaşamağa davam edir və düşünür ki, Fələstin xalqına qarşı cinayət törətməklə bu xalqı və onun müqavimətini susduracaq, lakin bu rejimin cinayətləri Fələstin xalqının bu rejimə qarşı müqavimət göstərmək əzmini daha da artırır.”

O, işğalçı rejimin ən pis böhranla üz-üzə qaldığını və Fələstin xalqının mütərəqqi müqaviməti davam etdirməkdən başqa çarəsinin olmadığını bildirib.

Əl-Mudəlləl deyib: “Sionist rejim bu cinayətləri törətməklə Fələstin xalqı arasında terror yaratmaq və Fələstin müqaviməti tərəfindən məhv edilmiş çəkindirmə gücünü bərpa etmək istəyir.”

Fələstin mediası bu gün səhər (6 may şənbə) sionist rejimin xüsusi təyinatlı qüvvələrinin Tulkərmdəki Nur Şəms düşərgəsinə hücumu və iki Fələstin müqavimət qüvvələrinin şəhid olması barədə məlumat yayıb.