Nazirdən daha bir xəbərdarlıq: İqtisadi fəlakət gəlir

Konqresin milli borcla bağlı qərarının olmaması ABŞ-ı defolta aparır. Konqres ABŞ-ın milli borcunun tavanını yüksəltmək barədə qərar qəbul etməsə, defolt və iqtisadi fəlakət gələcək.

Publika.az xəbər verir ki, bunu ABŞ Maliyyə naziri Canet Yellen deyib.

Nümayəndələr Palatasında çoxluğa sahib olan Respublikaçılar Partiyası limitin artırılmasına şübhə ilə yanaşır və son çarə kimi ABŞ-ı defolta aparacaq dövlət xərclərinin azaldılmasını müdafiə edir.

Bayden administrasiyası isə respublikaçılarla danışıqlara getməyəcəyini bildirir.

“Bu, həqiqətən də kredit reytinqimizi pisləşdirəcək, maliyyə və iqtisadi fəlakətlə üzləşəcəyik. Konqres əlavə borc almağı təsdiqləməsə, agentliyin nə edəcəyini bilmirəm”, – Yellen deyib.

Publika.az