Yəmənin şəhərlərində Qəzzəyə dəstək üçün genişmiqyaslı yürüş keçirilib
Yəmənin müxtəlif şəhərlərində on minlərlə insan bu şənbə səhəri Qəzzə xalqına dəstək üçün küçələrə çıxıb.
On minlərlə yəmənli bu səhər (bazar günü) Ənsarullah hərəkatının dəvəti ilə Qəzzə xalqına dəstək üçün küçələrə çıxaraq sionist rejim əleyhinə şüarlar səsləndirib.
Əl-Məsirə kanalının internet saytının məlumatına görə, bu gün səhər saatlarında Səədə, Əl-Məhviyyət, Təəz, Zimar, Əz-Zale və Omran şəhərlərinin əsas meydanları çoxlu sayda insanın nümayişinin şahidi olub.
Bu gün Səna və Əl-Hədidə şəhərlərində böyük bir toplantı keçiriləcək və Yəmən paytaxtının ətraf bölgələrindən çoxlu insan bu mərasimdə iştirak etmək üçün artıq Sənaya gəlib.
Fələstinə dəstək üçün bugünkü nümayişlər “Məsirətu Saril-Əhrar ” (Azad kəslərin intiqam yürüşü) adı altında Qəzzə müqavimət qüvvələrinin 5 gündür Sionist rejimin hücumlarına qarşı davam edən müqavimətinə dəstək məqsədilə keçirilir.
Bu yürüşdə iştirak çağırışı Qəzzənin son beş gündə sionist rejimin hava hücumlarının hədəfinə çevrilməsindən, hücumların müqavimətin cavabı ilə müşayiət olunmasından və nəhayət, yerli vaxtla saat 22:00-da tərəflərin atəşkəs haqqında razılaşmasından sonra baş verib.
Amma Ənsarullah hərəkatının əsas bazası olan Səədədə mitinq digər şəhərlərlə müqayisədə daha geniş miqyasda keçirilib və Yəmənin Ali Siyasi Şurasının yüksək rütbəli üzvü Məhəmməd Əli Əl-Husi də çıxış edib.
O, bildirib ki, Yəmən xalqı Fələstin məsələsini dəstəkləməyə və bu yolda mübarizəyə və fədakarlığa davam edəcək.
Əl-Husi əlavə edib: Sionist düşmən Qəzzədə də evləri və qəbiristanlıqları bombalayıb, eynilə Yəməndə düşmənlərimizin Səudiyyə, Amerika və BƏƏ-nin bizim evlərimizi necə hədəfə aldığını gördük.
O, Qəzzənin sionistlərə qarşı 5 günlük müqavimətini tərifləməyə davam edib və fələstinliləri təbrik edib və vurğulayıb ki, Yəmən bütün imkanları ilə Fələstin idealını dəstəkləyir.
Yekun bəyanatda elan edilib: “Biz Yəmən xalqı olaraq bir daha Fələstin idealına sadiq və birbaşa səhnədə olduğumuzu bəyan edirik.
Sionist düşmənin çəkindirmə qüdrəti itirilib və onu heç vaxt geri qaytara bilməyəcək.
