Qəzzaya edilən son hücumlarda 8 şagird şəhid olub və 44 məktəbə ziyan dəyib

Fələstinin Qəzzə zolağındakı Təhsil Nazirliyi sionist düşmənin bu əraziyə son 5 günlük hücumlarında şəhid olanlardan səkkizinin şagird olduğunu və bir neçə şagirdin də bu hücumlarda yaralandığını bildirib.

İRNA-nın Fələstin İnformasiya Mərkəzinə istinadən verdiyi məlumata görə, nazirlik bəyanatında əlavə edib ki, İsrail qırıcılarının hücumları və yaşayış məntəqələrini bombalaması nəticəsində minlərlə tələbə və digər uşaqlar xəsarət alıb və psixoloji problemlər yaşayıb.

Bu açıqlamada Qəzzəyə 5 gün davam edən hücumlarda 44 məktəb və uşaq bağçasının zərər gördüyü bildirilir.

Qəzzənin Təhsil Nazirliyi dünya ölkələri və insan haqları təşkilatlarından sionist düşmənin Qəzzədə uşaqlar, tələbələr və təhsil mərkəzlərinə qarşı cinayətkar hücumlarını pisləməyə və bu rejimin cinayətkar liderlərini beynəlxalq məhkəmələrdə mühakimə etməyə çağırıb.

Fələstin müqavimət qrupları ilə sionist rejim arasında 5 günlük döyüşlərdən sonra şənbə günü gecə saat 22:00-dan etibarən müqavimət qüvvələri ilə sionist rejim arasında şiddətli toqquşmalardan və xüsusilə Fələstin müqavimət qüvvələri tərəfindən işğal olunmuş ərazilərərə raket hücumlarından sonra Misirin vasitəçiliyi ilə sionist rejim arasında atəşkəs razılaşması əldə olunub.

İsrail ordusu, fələstinli qrupların bu 5 gün ərzində Qəzzədən İsrail hədəflərinə 1234 raket atdığını və bu rejim ordusunun son hadisələrin başlanğıcından bu yana Qəzzədə 371 hədəfə hücum etdiyini açıqlayıb.

İslami Cihadın hərbi qolu da bəyanat yayaraq, sionistlərin Qəzzəyə hücumunun 5 günü ərzində 11 komandir və qüvvəsinin şəhid olduğunu açıqlayıb.

Bu açıqlamanın davamında bildirilib ki, bu şəxslərdən 6-sı səhra komandiri və əməliyyat bölməsinin rəsmilərindən biri olmaqla, yüksək səviyyəli komandirlər, o cümlədən 4 raket bölməsi və Sərayəl-Qudsun təhlükəsizlik aparatının üzvüdür.