Sionist media: Hizbullah sabah yeni hərbi təlim keçirəcək

İsrail mediası bildirib ki, Livan Hizbullahı sabah Fələstinin yekun azadlığını simulyasiya etmək üçün yeni təlim keçirəcək.

Təsnim Beynəlxalq Xəbər Agentliyinin xəbərinə görə, Hizbullahın Livanın cənubunda keçirdiyi hərbi təlimdən bir həftədən az vaxt keçməsinə baxmayaraq, ibrani mediası Hizbullahın sabah Cəbəl Amil bölgəsində “Fəthul-Mubin” adlı təlim keçirəcəyini bildirib.

Bu media Hizbullahın yeni manevrinin Fələstinin böyük və yekun azadlığını simulyasiya etdiyini bildirib.

Bu, ötən bazar günü Hizbullahın 600-dən çox yerli və xarici jurnalistin iştirakı ilə görünməmiş hərbi təlim keçirdiyi vaxtda baş verir.

Çoxlarının sionist rejimə xəbərdarlıq kimi qiymətləndirdiyi bu manevrdə Hizbullah qeyd edildiyi kimi imkanlarının yalnız kiçik bir hissəsini nümayiş etdirdi.

Nümayişdə yüngül maşınlara quraşdırılmış tank əleyhinə raketlər, müxtəlif diapazonlu və ölçülü reaktiv yaylım atəşi sistemləri, zirehli maşınlar, pilotsuz təyyarələr və s. yer almışdı.

Sionist media yazıb: Hizbullah öz manevri ilə göstərdi ki, o, xüsusi silahlara malik mütəşəkkil bir ordudur.

Bu manevr həm də işğal altındakı Fələstinin şimalına daxil olmaq və sionistlərin ən böyük kabusu olan Əl-Cəlil bölgəsinə nəzarəti ələ keçirmək simulyasiyası idi.

İsrail dairələrinin çox diqqət yetirdiyi “Rizvan” xüsusi təyinatlı dəstəsinin qüvvələri rəgli formada və üzlərini maska ilə bağlayaraq zirehli maşınlara əyləşmiş və yüzlərlə yerli və xarici jurnalistlərin kameraları qarşısında silah və güclərini nümayiş etdirmişdilər.

İsraillilərin bu manevrlə bağlı narahatlığını dərhal Hizbullahın manevr xəbərlərini işıqlandırmağa başlayan bu rejimin media və ekspertlərinin reaksiyasından aydın görmək olar.