Fələstin müqavimət qüvvələri ilə qarşıdurmada bir neçə sionist hərbiçi yaralanıb

Fələstin İslami Cihad hərəkatının hərbi qanadı elan edib ki, sionist rejimin İordan çayının qərb sahilinin şimalında bir əsgərin yaralanması barədə verdiyi açıqlamanın əksinə olaraq, müqavimət döyüşçüləri ilə toqquşmada bir neçə sionist hərbiçi yaralanıb.

Fələstin İslami Cihad hərəkatının hərbi qolu olan Sərayəl-Qüds bu gün günortadan sonra (çərşənbə axşamı) sionist hərbçilər ilə Tulkərimdə (İordan çayının qərb sahilinin şimalında) müqavimət döyüşçüləri arasında toqquşmanın baş verdiyini elan edib.

Sərayəl-Qüds bildirib ki, işğalçı qüvvələrin Tulkərim şəhərinə qəfil gəlişindən sonra bu qruplaşmanın döyüşçüləri bu gün səhər tezdən bu qüvvələrlə birbaşa toqquşmaya başlayıblar.

Fələstin İslami Cihad hərəkatının hərbi şöbəsi əlavə edib: Qarşıdurma zamanı Sərayəl-Qüds qüvvələri sionist ordusunun maşınlarının yolunda bir neçə bombanı partlatmağa nail olublar.

Bu bəyanata əsasən, hərbi maşınlardan birinin yaxınlığında gizlənən “Dodivan” bölməsindən (sionist rejimin İordan çayının qərb sahilindəki gözətçiləri) olan bir neçə sionist əsgər bu əməliyyatda yaralanıb.

Sərayəl-Qüds yaralanmadan sonra sionist əsgərlərin səslərinin tamamilə eşidildiyini və yaralıların tibb mərkəzlərinə çatdırılması üçün göndərilən xilasedici qüvvələrin hadisə yerində müşahidə edildiyini vurğulayıb.

Fələstin İslami Cihadının hərbi şöbəsi Tulkərim batalyonunun səhər əməliyyatlarında sionist əsgərləri uğursuzluğa düçar etməsinə işarə edərək, əlavə edib ki, düşmənin yalnız bir əsgərin yaralandığını etiraf etməsi həqiqəti etiraf etməkdən qaçdığını göstərir.