Tel-Əvivin təhlükəsizlik saytları həkləndi: Mossad-a ən geniş kiberhücumlar!

İbrani mediası ötən gün və gecə ərzində sionist rejimin təhlükəsizlik saytlarına bir neçə güclü kiberhücum edildiyini bildirib.

Mehr xəbər agentliyinin məlumatına görə, bir sionist qəzeti bu rejimin həssas və təhlükəsizlik saytlarına qarşı ən böyük kiber hücumun baş verdiyini elan edib.

Cümə axşamı Fələstin İnformasiya Mərkəzi ibrani dilində çıxan “Yedioth Ahronoth” qəzetinə istinadən bildirib ki, sionist rejimin mühüm və həssas təhlükəsizlik saytlarına qarşı ən böyük kiberhücum dünən baş verib.

İşğal altındakı Fələstində bu təhlükəsizlik qəzetinə görə, dünən (çərşənbə günü) Kəşfiyyat və Daxili Təhlükəsizlik Təşkilatı (Şabak və ya Şinbet) və Kəşfiyyat və Xüsusi Əməliyyatlar Təşkilatı (Mossad) kimi həssas və təhlükəsizlik saytlarına qarşı kiber hücumlar həyata keçirilib.

Bundan əvvəl bu sionist qəzet son aylarda kiberhücumların artdığını etiraf etmişdi. Son aylar ərzində bir neçə kiberhücum bank sistemini, səhiyyə sistemini, Ben Qurion hava limanını və işğal olunmuş ərazilərdəki bir sıra digər mərkəzləri hədəf alıb.