Hava limanında iki təyyarə toqquşdu
Publika.az xəbər verir ki, bu barədə NHK telekanalı məlumat yayıb.
Telekanalın məlumatına görə, Tayvanın EVA və “Thai Airways” aviaşirkətlərinin təyyarələri toqquşub. Yayımlanan görüntülərdə laynerlərin bir-birinə yaxın olduğu görünür. “Thai Airways”ə məxsus təyyarənin qanadı zədələnib. Zərərçəkənlər barədə məlumat verilmir.
Hadisə yerinə hava limanının əməkdaşları gəlib. Hadisənin baş verdiyi uçuş-enmə zolağı müvəqqəti bağlanıb. Qeyd olunur ki, bəzi daxili və beynəlxalq reyslər 30 dəqiqədən bir saata qədər gecikib. Hadisənin səbəbi araşdırılır.
