Məscidül-Əqsa sakinləri Sionistlərin mənfur planı ilə mübarizəyə çağırış edib
Sionistlərin Məscidül-Əqsanın girişlərinin bağlanması ilə bağlı artan hərəkətləri ilə Məscidül-Əqsa sakinləri sionistlərin Məscidül-Əqsadakı mənfur planlarına qarşı çağırışlar ediblər.
Mehr Xəbər Agentliyinin Şahab News-a istinadən verdiyi xəbərə görə, Qüds sakinləri çağırışlar edərək fələstinliləri sionist rejimin mənfur planları və Məscidül-Əqsaya girişləri bağlayan bu rejim qüvvələrinə qarşı müqavimət göstərməyə dəvət ediblər.
Bu cür hərəkətlərin son nümunəsində sionist rejim bu şənbə günü Əl-Əqsa məscidinin girişini bağlayarkən fələstinli gənclərə hücum və onlardan bir neçəsini həbs edib.
Qüds məsələləri üzrə tədqiqatçı Bəssam Əbu Sininə sionist işğalçıların planlarını zərərsizləşdirmək üçün fələstinlilərin gecə-gündüz Məscidül-Əqsada mövcudluğunun davam etdirilməsinin zəruriliyini vurğulayıb.
Sionist rejimin kabinetinin fələstinlilər, ərəb və İslam ölkələrinin bununla bağlı reaksiyalarını ölçmək üçün sionist mühacirləri Məscidül-Əqsaya hücum etməyə təşviq etdiyini bildirib.
Sionist rejimin Məscidül-Əqsaya hücumlarına reaksiyaların intensivliyinin əhəmiyyətini vurğulayan bu tədqiqatçı əlavə edib:
Əl-Əqsa məscidinin qarşısında çox təhlükəli səhnə var. Millətimiz yəhudiləşdirmə planlarına qarşı ayıq qalmalıdır, çünki işğalçılar yəhudiləşdirmə planlarını mərhələli şəkildə həyata keçirmək üçün Məscidül-Əqsa başda olmaqla onun şərq hissəsini, eləcə də Qüds şəhərini hədəfə alıblar.
O, davam edib: İşğalçılar Qüds sakinlərinin Babəl-Əsbat bölgəsində mövcudluğunu dayandırmağa və Əl-Əqsa məscidinin ibadətçiləri və zəvvarlarını sıxışdıraraq, fələstinlilərin bu müqəddəs məkanda mövcudluğuna son qoymağa çalışırlar.
Əbu Sininə sionist rejimin Babər-Rəhmə və Babəl-Əsbatda hökmranlıq etmək cəhdlərini sionistlərin Məscidül-Əqsanın şərq hissəsi ilə bağlı məqsədyönlü və mənfur planının mövcudluğunun göstəricisi hesab edib.
