Çin müharibəyə hazırlaşır?

Çin prezidenti Si Cinpin Çin Xalq Azadlıq Ordusunu hərbi quruluşun 96-cı ildönümü ərəfəsində hazır olmağa çağırıb.

Publika.az xəbər verir ki, bu barədə “Reuters” məlumat yayıb.

Çin liderinin bəyanatı Tayvanla münasibətlərin davamlı şəkildə pisləşməsi fonunda verilib.

Si çıxışında bildirib ki, ordu döyüş qabiliyyətini və döyüş hazırlığını təkmilləşdirməlidir.

“Biz döyüş qabiliyyətinin formalaşmasını sürətləndirmək və döyüş sisteminə inteqrasiya etmək üçün yeni texnologiyalara və yeni qüvvələrə arxalanmalıyıq”, – Si bildirib.

Publika.az