Çində kömür mədənində baş verən partlayış nəticəsində 7 nəfər ölüb
Çinin şimal-qərbindəki Şensi əyalətindəki kömür mədənində baş verən partlayış nəticəsində 7 nəfər ölüb, 4 nəfər dağıntılar altında qalıb.
“Report” xəbər verir ki, bu barədə Çin Xalq Respublikasının Mərkəzi Televiziyası məlumat yayıb.
Bildirilib ki, hadisə Yanan şəhərindəki mədəndə baş verib. Partlayışa səbəb kimi qaz sızması göstərilib.
Yerli hakimiyyət orqanları əməliyyat-axtarış tədbirləri keçiriblər. Xilasedicilər və polis hadisə yerindədir.
Report.az
