Bəhreynin şiə liderinin Manamada sionist səfirliyinin açılmasına reaksiyası
Bəhreynin şiə lideri vurğulayıb: Bəhreynin paytaxtı Manamada sionist səfirliyin açılması sionistlərin təxribatçı roluna xidmət edir.
İRNA-nın şənbə günü verdiyi xəbərə görə, Bəhreyn şiələrinin lideri Şeyx İsa Qasim bir bəyanatda vurğulayıb ki, sionist rejimin Bəhreyndə səfirliyinin açılması sionistlərin bu həqiqi İslam ölkəsindəki dağıdıcı rolu ilə uyğundur.
O, bildirib ki, bu hərəkət Uca Allaha, İslam Peyğəmbərinə (s) qarşı açıq müharibə və bütün möminlərlə düşmənçilikdir.
Ayətullah Qasim qeyd edib ki, Allahla müharibə möminlərin məşğul olmalı olduğu ən mühüm məsələdir ki, haqq batil üzərində qalib gəlsin və İslam dini qorunsun.
Bazar ertəsi İsrailin xarici işlər naziri Eli Kohen Bəhreynə ilk səfəri zamanı bu rejimin Manamadakı səfirliyini açıb.
Kohenin Bəhreynə səfəri bu ölkədə fəaliyyəti qadağan olunmuş icmalar da daxil olmaqla, xalq, vətəndaş institutları və dini və siyasi icmalar tərəfindən qınaq dalğası ilə qarşılanıb.
Bundan əvvəl Bəhreyn xalqı dəfələrlə nümayişlər keçirmək və sionist rejimin bayrağını yandırmaqla öz ölkələrinin hökuməti ilə Tel-Əviv arasında normallaşdırmaya etirazını bildirib.
İRNA-nın məlumatına görə, bundan əvvəl Tel-Əviv Universitetinin Daxili Təhlükəsizlik Araşdırmaları İnstitutu bir hesabat dərc edərək sionist rejim ilə Bəhreyn arasındakı əlaqələrin müxtəlif səbəblərə görə durğunlaşdığını və əslində dalana dirəndiyini açıqlayıb.
Təl-Əviv Universitetinin Daxili Təhlükəsizlik Araşdırma İnstitutunun hesabatında münasibətlərdəki bu durğunluğun səbəblərindən biri kimi sionist rejim kabinetinin Fələstinə qarşı yeni siyasətləri göstərilib.
Bu hesabata görə, bunun başqa bir səbəbi Bəhreyn hökumətinə bununla bağlı daxili təzyiqlərdir, çünki bu ölkədə fəal parlament və vətəndaş cəmiyyəti mövcuddur və onlar həmişə Bəhreyn hakimiyyətinə meydan oxuyurlar.
Regional tənliklərin bu rejimin zərərinə dəyişməsi və regionda barışıq yolunu davam etdirmək planlarına mane olması səbəbindən təcrid vəziyyətində yaşayan sionist rejimin rəhbərləri son bir neçə ayda davamlı yalan xəbərlər verməklə barışıq yolunun davam etdiyini iddia etməyə çalışıblar.
