Həzrət Ayətullah Xamenei: Son qəhrəmanlıq fələstinlilərin işidir – Qəzzaya hücum daha ağır sillə ilə qarşılaşacaq+video

 İslam İnqilabının Ali Məqamlı Rəhbəri Ayətullah Xamenei bu gün səhər saatlarında İmam Əli Zabit Universitetində Silahlı Qüvvələrin zabit universitetlərinin tələbələrinin birgə məzun buraxılışı mərasimində “Əl-Əqsa Tufanı” əməliyyatına toxunaraq deyib: “Bütün İslam dünyası fələstinliləri dəstəkləməyə borcludur, Allahın izni ilə dəstək də verəcək. Amma bu, fələstinlilərin öz işidir.”

Qəzzaya hücum daha ağır sillə ilə qarşılaşacaq

İRNA-nın məlumatına görə, həzrət Ayətullah Xamenei Fələstin İslami müqavimət döyüşçülərini uca tutaraq deyib: “Təbii ki, biz Fələstini və mübarizələrini müdafiə edirik. Biz bacarıqlı, ağıllı və cəsur fələstinli mübarizlərin alınlarından və qollarından öpürük və onlarla fəxr edirik. Amma fələstinlilərin işinin fələstinli olmayanlar tərəfindən həyata keçirildiyini deyənlər, Fələstin xalqını tanımayıblar və hesablamaları yanlışdır.”

İslam İnqilabının Ali Rəhbəri vurğulayıb: “Sionist rejimin havadarları və bu qəsbkar rejimin bəzi adamları bu iki-üç gündə boşboğazlıq etdilər, o cümlədən bu hərəkətin arxasında İslami İranın dayandığını dedilər. Səhv edirlər.”