Suriyadakı daha bir Amerika bazası hədəfə alınıb
![Suriyadakı daha bir Amerika bazası hədəfə alınıb](https://sizinyol.org/wp-content/uploads/2023/11/2.png)
Çərşənbə axşamı gecəsi xəbər mənbələri Suriyanın şərqindəki Amerika hərbi bazasına hücumu açıqlayıb.
İRNA-nın Əl-Məyadinə istinadən çərşənbə axşamı verdiyi xəbərə görə, Deyr əz-Zorun şimal-şərqində yerləşən Koniko qaz yatağındakı ABŞ hərbi bazası hücuma məruz qalıb.
Bununla bağlı media mənbələri bu bazanın içərisindən bir neçə güclü partlayış səsinin eşidildiyini bildirib.
Suriyanın Əl-Xəzra kəndindəki Amerika hərbi bazası da bu gün günortadan sonra pilotsuz təyyarənin hücumuna məruz qalıb. Bu hərbi baza intiharçı pilotsuz uçan aparatlarla hücuma məruz qalıb.
Bununla əlaqədar olaraq İraq İslami Müqaviməti bəyanat yayaraq bu hücumun məsuliyyətini üzərinə götürüb və bu günün əvvəlindən bu yana Amerika bazalarına üçüncü hücum olduğunu açıqlayıb.
Ötən günlərdə ABŞ-ın İraq və Suriyadakı hərbi bazaları bir neçə dəfə pilotsuz təyyarələr və raket hücumları ilə hədəfə alınıb.
Sionist rejimin məzlum Fələstinin, xüsusən də Qəzzə xalqına qarşı cinayətləri və vəhşi hücumları və Vaşinqtonun bu hücumları dəstəkləməsinin ardınca İraqın İslami müqaviməti ABŞ-a xəbərdarlıq etmişdi ki, Amerikanın regiondakı bazalarını hədəfə alacaq.