Amerikalı senator HƏMAS tunellərinin yalnız kiçik bir hissəsinin dağıdılmasından şoka düşüb
![Amerikalı senator HƏMAS tunellərinin yalnız kiçik bir hissəsinin dağıdılmasından şoka düşüb](https://sizinyol.org/wp-content/uploads/2024/03/3.png)
ABŞ Senatının Kəşfiyyat Komitəsinin sədri cümə axşamı gecə bildirib ki, HƏMAS tunellərinin kiçik bir hissəsinin dağıdılması onu şoka salıb.
İRNA-nın Əl-Cəzirə telekanalının cümə günü səhər verdiyi xəbərə görə, ABŞ Senatının Kəşfiyyat Komitəsinin sədri Mark Vorner ölkənin NBC kanalına müsahibəsində bildirib ki, o, HƏMAS tunel şəbəkəsinin yalnız kiçik bir hissəsinin minalardan təmizləndiyini və məhv edildiyini biləndə şoka düşüb.
NBC həmçinin bir sıra amerikalı zabitlərə istinad edərək bildirib ki, HƏMAS hələ də Livandakı əvvəlki münaqişələr kimi sionist rejimi uzun bataqlıqlara sürükləyə bilir.
Bu zabitlər həmçinin İsrail rejimi əməliyyatlarının HƏMAS-ın rəhbərliyinə və infrastrukturuna ziyan vurduğunu iddia ediblər.
Amma bu hərəkatın hələ də potensialı var.
İbrani dilində nəşr olunan “Yediot Aharonot” qəzeti də bir xəbərdə İsrail ordusunun HƏMAS hərəkatının hər gün döyüş meydanında artan gücündən təəccübləndiyini açıqlayıb.
Fələstin müqavimət qrupları 7 oktyabr 2023-cü ildə Qəzzadan (Fələstinin cənubu) İsrail rejiminin mövqelərinə qarşı “Əqsa tufanı” əməliyyatına başlayıb və nəhayət, 24 noyabr 2023-cü ildə 45 günlük döyüşlərdən sonra, əsirlərin mübadiləsi üçün HƏMAS və sionist rejim arasında dörd günlük müvəqqəti atəşkəs elan edildi.
Müharibədəki bu fasilə yeddi gün davam etdi və nəhayət, 1 dekabr 2023-cü ildə müvəqqəti atəşkəs başa çatdı və İsrail rejimi Qəzzaya qarşı hücumlarını bərpa etdi.
Bu rejim “Əqsa tufanı” hücumlarına cavab vermək, məğlubiyyətini kompensasiya etmək və müqavimət əməliyyatlarını dayandırmaq üçün Qəzza zolağının keçidlərini bağlayıb və bu ərazini bombalayır.