Fələstin Səhiyyə Nazirliyi: Şəfa xəstəxanasında 107 xəstə mühasirədədir

Qəzzadakı Fələstin Səhiyyə Nazirliyi şənbə günü gecə elan edib ki, Şəfa xəstəxanasında 107 xəstə su, dərman və elektriksiz mühasirədədir.

İRNA-nın Əl-Cəzirəyə istinadən verdiyi məlumata görə, Qəzzadakı Fələstinin Səhiyyə Nazirliyi 107 xəstə və 60 tibb işçisinin su, işıq və dərmansız Şəfa xəstəxanasında mühasirədə qaldığını elan edib.

Qəzza Səhiyyə Nazirliyi əlavə edib: İşğalçı rejim xəstələri Şəfa xəstəxanasından təxliyə etmək cəhdlərinin qarşısını alır və onların həyatlarının qaçılmaz təhlükə altında olduğu barədə xəbərdar edirik.

Bundan əvvəl Qəzza zolağında hökumətin informasiya idarəsi elan etmişdi ki, əldə edilən məlumatlara əsasən, işğalçı sionist rejiminin əsgərləri Şəfa xəstəxanasına sığınan 200-dən çox fələstinli qaçqını qətlə yetirib və 1000-dən çox insanı həbs ediblər.

Fələstin müqavimət qrupları 7 oktyabr 2023-cü ildə Qəzzadan (Fələstinin cənubu) İsrail rejiminin mövqelərinə qarşı “Əqsa tufanı” əməliyyatına başlayıb və nəhayət, 24 noyabr 2023-cü ildə 45 günlük döyüşlərdən sonra, əsirlərin mübadiləsi üçün HƏMAS və İsrail arasında dörd günlük müvəqqəti atəşkəs yaradılıb.

Müharibədəki bu fasilə yeddi gün davam etdi və nəhayət, 1 dekabr 2023-cü il, cümə günü səhər saatlarında müvəqqəti atəşkəs sona çatdı və İsrail rejimi Qəzzaya qarşı hücumlarını bərpa etdi.

Bu rejim uğursuzluğunu kompensasiya etmək və müqavimət əməliyyatlarını dayandırmaq üçün Qəzza zolağının keçidlərini bağlayıb və bu ərazini bombalayır.