Yəmən husiləri Qırmızı dənizə və Ədən körfəzinə 2 raket atıb
Yəmənin “Ansar Allah” hərəkatının (husilər) birləşmələri Qırmızı dəniz və Ədən körfəzinə doğru iki gəmi əleyhinə ballistik raket atıblar.
Bu barədə ABŞ Silahlı Qüvvələrinin Mərkəzi Komandanlığı “X” sosial şəbəkəsindəki səhifəsində məlumat yayıb.
“Son 24 saat ərzində İranın dəstəklədiyi husilər Yəmənin nəzarət etdiyi ərazilərdən Qırmızı dənizə doğru iki gəmi əleyhinə ballistik raket atıblar”, – paylaşımda bildirilir.
Məlumata görə, gəmilərə zərər dəyməyib.
