İran ana ölümlərinin azaldılması üzrə ilk beş ölkə sırasındadır

Doğuşayardım və Ginekologiya Assosiasiyasının rəhbəri İranın doğuş zamanı ana ölümlərinin azaldılmasına görə dünyada ilk beş ölkə sırasında olduğunu bəyan edərək deyib: “İndi bu göstərici 100 min əhaliyə 22-dir ki, bu da son illərdə xeyli azalıb.”

Südabə Kazimi çərşənbə axşamı günü Milad Qülləsinin Konqres Mərkəzində keçirilən 20-ci “Beynəlxalq Doğuşayardım və Ginekologiya Konqresi” çərçivəsində jurnalistlərə verdiyi açıqlamasında bildirib: “Əhali və uşaq doğurmanın artırılması məsələsi çox vacibdir. Çünki biz ölkədə əhali böhranı ilə üz-üzəyik. Bu səbəbdən hamiləlik və uşaq doğurma ilə bağlı məsələlər diqqət yetirməli olan mühüm məsələlərdir.”