Ərdoğan: Biz İsraili atəşkəsə vadar edəcəyik!
Türkiyə prezidenti sionist rejimi atəşkəsə məcbur edəcəyini vurğulayaraq bu rejimin soyqırım siyasəti davam etdikcə Türkiyənin mövqeyinin dəyişməyəcəyini bildirib.
Əl Aləm telekanalının məlumatına əsasən, Rəcəb Təyyib Ərdoğan bu gün Nazirlər Kabinetinin iclasından sonra deyib: Oktyabrın 7-dən Qəzzada insanların məruz qaldığı qətliamları və cinayətləri gündəmə gətirdik. Biz İsraili atəşkəsə məcbur etmək üçün bütün resurslarımızdan və səylərimizdən istifadə etmişik.
Əl-Məyadin televiziyasının məlumatına görə Ərdoğan deyib: Türkiyə İsrailin soyqırım siyasəti davam etdiyi müddətdə öz mövqeyini dəyişməyəcək. İsrail oktyabrın 7-dən bu yana göstərdiyi bütün zülm, vəhşilik və soyqırımına baxmayaraq, Fələstin xalqının müqavimət əzmini qıra bilmədi.
