Banqladeşdəki iğtişaşların arxasında Amerika dayanır
Banqladeşin keçmiş baş naziri Şeyx Hasina Benqal körfəzindəki Sent-Martin adasını ABŞ hərbi bazası üçün Vaşinqtona verməkdən imtina etdiyinə görə hakimiyyətdən devrildiyini hesab edir.
Bu barədə “Economic Times” qəzeti Hasinanın yaxın çevrəsinə istinadən yazır.
Nəşrin mənbələri keçmiş baş nazirdən sitat gətirir: “Sent Martinin suverenliyindən imtina edərək və Birləşmiş Ştatlara Benqal körfəzi üzərində nəzarəti verməklə hakimiyyətdə qala bilərdim”.
Hasina bildirib ki, o, iğtişaşların artmasının qarşısını almaq üçün istefa verib.
Qeyd edək ki, keçmiş baş nazir hazırda Hindistana sığınıb.
