Hizbullah yenə də İsrailin Merkavasını vurdu

Livan Hizbullahı İsrail rejimi hərbçilərinin 4 bazası və toplaşdığı yerlərə hücum edərək, Əl-Abassiyyə bazasında İsrailə məxsus Merkava tankının məhv edildiyini açıqlayıb.

İRNA-nın verdiyi xəbərə görə, Hizbullah Hərəkatı bu gün (21 avqust) elan edib: Biz Əl Abassiyyə bazasında sionist rejim əsgərlərini müşahidə etdikdən sonra idarə olunan raketlə Merkava tankını hədəfə aldıq.

Hizbullah döyüşçüləri həmçinin sionist rejimin işğal olunmuş “Vadi Hunin” bölgəsindəki bazasını da hədəfə alıblar.

Bu gün “Ramim” kazarmasına – Qolani ordusunun hazırkı qərargahına “Katyuşa” raketləri ilə hücum edilib.