KİV: Livandakı hücum 15 il əvvəl planlaşdırılıb

Amerika kəşfiyyat mənbələri hücumun cəbhə şirkətləri, çox səviyyəli kəşfiyyat zabitləri və qanuni şirkətlərin ön aktivlərinin iştirak etdiyi kompleks plan çərçivəsində həyata keçirildiyini bildirir. Həmçinin MKİ-nin günahsız mülki şəxslərə zərər vurma riski səbəbindən oxşar əməliyyat növlərini rədd etdiyi bildirilir.

ABC News televiziyasının məlumatına görə, Amerika kəşfiyyat rəsmiləri Livanda Hizbullahın istifadə etdiyi minlərlə rabitə cihazını partlatmaq üçün əməliyyatın ən azı 15 ildir planlaşdırıldığını açıqlayıb.

“Hücumun planlaşdırılmasında cəbhə şirkətlərindən istifadə edilib; çox səviyyəli İsrail kəşfiyyatçıları və onların aktivləri peycerləri istehsal edən qanuni şirkətin arxasında gizlədilib”, – deyə kanal bildirib. 

O da bildirilib ki, əməliyyatda iştirak edənlərdən ən azı bəziləri əslində kimin üçün çalışdıqlarından xəbərsizdirlər.

Kanalın mənbələrinin məlumatına görə, peycerlərə elektron tətiklə birlikdə 30-60 qram partlayıcı yerləşdirilib.

Mənbə bildirib ki, oxşar hücumlar Mərkəzi Kəşfiyyat İdarəsi tərəfindən nəzərdən keçirilib, lakin günahsız mülki şəxslər üçün yüksək risk olduğu üçün rədd edilib.

Medianın məlumatına görə, peycerlərin partlaması nəticəsində 3 mindən çox müqavimətçi yaralanıb. Bir gün sonra həyata keçirilən və əl radiolarını hədəf alan ikinci hücum dalğasında daha 450 nəfər yaralanıb.