Məhəmməd Salah Çempionlar Liqasında rekorda imza atıb
“Liverpul”un misirli hücumçusu Məhəmməd Salah Avropanın nüfuzlu klub turnirində ən çox qol vuran afrikalı adına sahib çıxıb.
O, Liqa mərhələsinin II turunun “Bolonya” ilə matçında qol sevinci yaşayıb. Salah bununla da Çempionlar Liqasındakı qol hesabını 45 topa çatdırıb.
Misirli hücumçu 44 qol vuran Didye Droqbanı arxada qoyub. İlk üçlüyü 30 dəfə fərqlənən kamerunlu Samuel Eto qapayır.
Qeyd edək ki, “Liverpul” klubu “Bolonya”nı 2:0 hesabı ilə məğlub edib.
