Ekspertlər Rusiya Yazıçılar Birliyinin konfransında: Müqavimətin qələbəsi qətidir

Bir qrup rusiyalı ekspert və Yaxın Şərq regionunun diplomatları Rusiya Yazıçılar Birliyində şəhid Seyid Həsən Nəsrullah və şəhid general-mayor Nilfuruşanın anılması və sionist rejimin cinayətlərinin pislənməsinə həsr edilmiş konfransda müqavimət hərəkatının qələbəsini vurğulayıblar.

Dövlət Dumasının keçmiş deputatı və Rusiya Xalq Birliyi Partiyasının sədri Sergey Baburin konfransda Hizbullah lideri Seyid Həsən Nəsrullah, general-mayor Nilfuruşan və onların silahdaşlarının şəhid edilməsində sionist rejimin son cinayətlərini pisləyərək deyib: “Bu terrorlar, vəhşi hücumlar və soyqırımlar sionist rejimi öz məqsədlərinə çatdırmayacaq.”

Rusiya Yazıçılar Birliyinin direktoru Sergey İvanoviç də bu konfransda sionist rejimin Hizbullahın Baş katibi və onun yoldaşlarının şəhid edilməsindəki son cinayətlərini pisləyərək deyib: “Sionist rejimin vəhşi cinayətləri, Qəzzə və Livanda uşaq, qadın və müdafiəsiz insanların qətlə yetirilməsi bütün dünyada hər bir insanın qəlbini yaralayıb. Biz sionist rejimin faşizmi üzərində erkən qələbəyə ümid edirik.”

İran İslam Respublikasının Rusiyadakı diplomatı Əbdül-Rəsul Şəbibi də Fələstin və Yaxın Şərqlə bağlı hadisələrin araşdırılmasına, müqavimət şəhidlərinin terror edilməsinin hüquqi tərəflərinə toxunaraq deyib: “Bu gün Qəzzədə Əl-Əqsa Tufanı əməliyyatından bir il ötür. Bəlkə də bundan əvvəl biz Fələstin xalqının haqlarından və sionist rejimin mahiyyətindən danışanda məsələ indiki qədər aydın deyildi.”