Livan İsrailin endirdiyi zərbələrlə bağlı BMT-yə şikayət edib

Livan İsrailin mülki infrastruktur obyektlərinə davam edən zərbələri ilə bağlı BMT Təhlükəsizlik Şurasına şikayət edib.

Bu barədə Livan Xarici İşlər Nazirliyi məlumat yayıb.

“Livan XİN İsrailin Livan ordusunun hədəflərinə, təcili yardım mərkəzlərinə və mülki şəxslərə hücumlarını davam etdirməsi, həmçinin kəndləri bombalaması ilə əlaqədar Nyu-Yorkdakı daimi nümayəndəliyi vasitəsilə BMT Təhlükəsizlik Şurasına şikayət edib”, – bəyanatda qeyd olunub.