Əl-Husi: Bütün müsəlmanlar Qəzzaya kömək etməlidir

 Yəmən inqilabının lideri bütün müsəlmanları bu bölgədə Qəzzaya və Fələstin xalqına kömək etməyə çağırıb.

Təsnim İnformasiya Agentliyinin xəbərinə görə, Yəmən inqilabının lideri Seyid Əbdülməlik Bədrəddin əl-Husi bugünkü (17 oktyabr) çıxışında bütün müsəlmanların Qəzzaya və bu bölgədəki Fələstin xalqına yardıma tələsmələri lazım olduğunu bildirib.

Əl Husi ABŞ-Britaniya təcavüzkar koalisiyasının hava hücumundan sonra etdiyi ilk çıxışında deyib: Başda müsəlmanlar olmaqla bütün bəşəriyyət aləmi Qəzzada baş verənlərin həqiqəti və düşmənlərin nə olduğunu bilməlidir. İsrail rejiminin cinayətkar və barbar keçmişi bir insanın bu rejim haqqında tam məlumat əldə etməsi üçün kifayətdir. O bildirib ki, İsrail düşməni heç bir fərq qoymadan bütün Livan xalqını hədəfə alır və bu düşmən üçün hərbi və mülki arasında heç bir fərq yoxdur.