İraq müqaviməti: Amerika İsrailin İrana hücumunun əvəzini ödəməlidir

 İraq Hizbullah batalyonları sionist rejimin İrana hücumu ilə bağlı bir neçə təhlükəli faktorun nəzərə alınmalı olduğunu vurğulayıb.

Əl Aləm telekanalının məlumatına əsasən, İraq Hizbullahı dünən gecə (27 oktyabr) bəyanat yayaraq elan edib: İraq hava məkanından İran obyektlərinə zərbələr endirmək və bunu saatlarla davam edən hücum dalğaları ilə təkrarlamaq İranın indiyədək heç vaxt qarşılaşmadığı təhlükəli bir hərəkətdir. İordaniya torpaqlarının və Hicaz səhrasının öz döyüşçüləri üçün keçid kimi istifadə edildiyini göstərən dəlillər də var və bu, İraq səmasında hökmranlıq edən ABŞ-ın koordinasiyası xaricində mümkün olmayacaq.

İraq Hizbullahı əlavə edib: Bölgədəki yaramaz və yad bir rejimin İran İslam Respublikasına qarşı təcavüzü heç bir şəraitdə diqqətdən kənarda qalmamalı olan ehtiyatsız və təhlükəli təcavüzdür. Əks halda bu məsələ adiləşəcək və vəhşi düşmən bunu dəfələrlə təkrarlayacaq.

Bu bəyanatın sonunda deyilir: Yuxarıda deyilənlərə əsasən, Amerika İraqın hava məkanından istifadə etdiyi üçün bu ehtiyatsızlığın bədəlini ödəməli, bu məsələ doğru zamanda və doğru yerdə Allahın köməyi ilə həyata keçiriləcəkdir. Düşmənlər intiqamdan kənarda qalmayacaqlar.