İsrailin Livana hücumu nəticəsində son sutka ərzində 52 nəfər həlak olub

Livanın Səhiyyə Nazirliyindən verilən açıqlamada İsrail ordusunun Baalbek şəhərini hədəf alan hücumları ilə bağlı məlumat verilib.

srailin hücumları nəticəsində Bəəlbəkdə 52 nəfərin öldüyü, 72 nəfərin yaralandığı bildirilib.

Livanın NNA xəbər agentliyinin məlumatında İsrail ordusunun Bəəlbək şəhəri Əl-Ələk qəsəbəsindəki evi hədəf alan hücumu nəticəsində 4 nəfərlik ailənin hamısının həlak olduğu bildirilir.

Qeyd edək ki, İsrailin sentyabrın 23-dən hücumlar həyata keçirdiyi Bəəlbək şəhəri Birləşmiş Millətlər Təşkilatının Təhsil, Elm və Mədəniyyət Təşkilatının (UNESCO) Ümumdünya İrs Siyahısına salınıb.

Livan Səhiyyə Nazirliyinin məlumatına görə, 2023-cü il oktyabrın 8-dən bu yana 104-ü uşaq və 194-ü qadın olmaqla, ümumilikdə 2897 nəfər həlak olub, 13150 nəfər isə yaralanıb.