Qurani-Kərim daha bir dilə də tərcümə edildi

Müqəddəs Qurani-Kərim daha bir dilə tərcümə edilib.

 Bu barədə layihənin rəhbəri Əhməd Yani məlumat verib.

Söhbət İndoneziyada yerli xalqların danışdığı dillərdən biri olan sirebon dilinə edilən tərcümədən gedir.

Bu tərcümə sirebon xalqının öz doğma dilində Quranla tanışlığı və onun öyrənilməsi məqsədini daşıyır.

“Yerli dillərdən istifadə təkcə insanlar üçün Quranın anlaşılmasını asanlaşdırmır, həm də bu regionun mədəni simvolu olan sirebon dilinin qorunub saxlanılmasına kömək edir“, – deyə Yani bildirib.

O deyib ki, Quranın sirebon dilinə tərcüməsi bu regionun xalqının dini kimliyini nümayiş etdirir.

Qurani-Kərim və həmçinin sirebon xalqının mədəniyyəti üzrə mütəxəssislərdən ibarət mütərcimlər komandası tərcümənin dəqiqliyinin və səhihliyinin təmin edilməsinə mühüm rol oynayıb. Bu komandadan da başqa, sözügedən regionun dini sahəsindən olan araşdırmaçılar da yoxlanış və təsdiqləmədə iştirak ediblər.

Yani tərcümənin çapa hazırlandığını də əlavə edib.