ÜST Baş direktoru Livanda 12 tibb işçisinin ölümü ilə nəticələnən hücumu pisləyib
Ümumdünya Səhiyyə Təşkilatının (ÜST) Baş direktoru edros Adhanom Qebreyesus Livanın mülki müdafiə mərkəzinə hücumu pisləyib.
Bu barədə o, “X”də paylaşım edib.
“Biz Livanın Baalbek bölgəsindəki Doureş kəndindəki mülki müdafiə mərkəzinə ən azı 12 tibb işçisinin ölümü ilə nəticələnən hücumu pisləyirik. Səhiyyə obyektlərinə hücumlar münaqişələrdə yeni normaya çevrilir. Bu, hər yerdə dayandırılmalıdır”, – o deyib.
