İsrailin hücumları zamanı Livanda həlak olanların sayı 3445-ə çatıb

İsrailin Livana hücumları lilə bağlı açıqlama verən Livanın Səhiyyə Nazirliyi ölənlərin sayını açıqlayıb.

Nazirliyin açıqlamasında ötən gün İsrail ordusunun Livanın bir çox bölgəsində həyata keçirdiyi hücumlarda 59 nəfərin öldüyü, 182 nəfərin yaralandığı bildirilib.

Nazirlik son hücumlarda ölənlərlə birlikdə həlak olanların ümumi sayının 3 min 445 olduğunu bildirib.

İsrailin hücumları zamanı yaralananların sayı isə 14 min 599-a yüksəlib.