HƏMAS ərəb dünyasının səhiyyə nazirlərindən Qəzzanın səhiyyə sektorunu xilas etməyi tələb edib

Fələstin İslami Müqavimət Hərəkatı “HƏMAS” bəyanatında İraqın ev sahibliyi etdiyi Ərəb ölkələrinin Səhiyyə Nazirləri Şurasının 61-ci iclasında Qəzza zolağında səhiyyə sistemi və xəstəxanaların qorunması üçün təcili qərarlar və praktiki planlar qəbul etməyi xahiş edib.

HƏMAS bu bəyanatında bütün lazımi təcrübə və qüvvələrə malik səhra xəstəxanalarının Qəzza zolağına gətirilməsi üçün müxtəlif üsullarla sionist rejimə qarşı təzyiq göstərməyə çağırıb.