Trampın arzuladığı Qrenlandiya: Görüşməyə hazırıq
Qrenlandiyanın baş naziri Mute Egede adanın ABŞ-ın nəzarətində olması lazım olduğu barədə açıqlamaları ilə yanaşı, Qrenlandiyanın ABŞ-ın yeni seçilmiş prezidenti Donald Trampla görüşə hazır olduğunu açıqlayıb.
Qrenlandiyanın Baş naziri Mute Egede ABŞ-ın yeni seçilmiş prezidenti Donald Trampla görüşməyə hazır olduğunu bildirib.
Trampın adanın ABŞ-ın nəzarətində olması lazım olduğuna dair açıqlamalarına da toxunan Egede, bu mövzuda açıq dialoqa hazır olduqlarını bildirib.
Reuters agentliyinin xəbərinə görə, Kopenhagendə keçirilən mətbuat konfransında Egedeyə ABŞ-ın yeni seçilmiş prezidenti Trampla əlaqə saxlayıb-saxmadığı soruşulub. Egede “Xeyr, amma görüşməyə hazırıq” deyə cavab verdi.
İclasda iştirak edən Danimarkanın baş naziri Mette Frederiksen Trampla görüş tələb etdiyini, lakin andiçmə mərasimindən əvvəl görüşün olacağını gözləmədiyini bildirib.
Egede qeyd edib ki, Qrenlandiyanın müstəqillik hədəfi Danimarka ilə münasibətləri tamamilə kəsmək demək deyil.
Baş nazir dedi: “Biz öz evimizə sahib olmaq istəyirik. Bu, hər kəsin hörmət etməli olduğu bir şeydir. “Lakin bu, Danimarka ilə bütün əlaqələri, əməkdaşlığı və münasibətləri dayandırmaq demək deyil”, – deyə o bildirib.
Qrenlandiya Danimarkanın muxtar bölgəsidir və öz hökuməti və idarəetmə orqanlarına malikdir.
1953-cü ilə qədər Danimarkanın müstəmləkəsi olduğu halda, 2009-cu ildə daxili işlər sahəsində özünüidarəetmə hüququnu da əhatə edən genişləndirilmiş muxtariyyət əldə etdi.
Təxminən 57 min əhalisi olan adada ABŞ-ın hərbi bazası var.
Donald Tramp dəfələrlə bildirib ki, Qrenlandiyanın ABŞ-ın bir hissəsi olmalıdır. Tramp adanın Çin və Rusiyaya qarşı milli təhlükəsizlik baxımından strateji əhəmiyyət daşıdığını vurğulayıb.
Bloomberg-in məlumatına görə , Trampın komandası Qrenlandiyanın təbii sərvətlərinə maraq göstərir.
Adada böyük qızıl, almaz, uran və nadir torpaq elementləri ehtiyatlarının olduğu və bu ehtiyatların elektronika istehsalında geniş istifadə edildiyi bildirilir.
Bildirilir ki, Vaşinqton Çinin nadir torpaq elementləri bazarındakı hökmranlığına qarşı çıxmaq üçün Qrenlandiyanın mədənçıxarma sektoruna sərmayə qoymağı düşünür.
