Bayden: Gələn həftə daha 4 girov azad ediləcək
ABŞ prezidenti Co Bayden 3 israilli qadın girovun azad edildiyini, daha dördünün isə gələn həftə azad ediləcəyini açıqlayıb.
Sizinyolun bu gün (19 yanvar) xarici KİV-lərə istinadən verdiyi məlumata əsasən, Co Bayden Qəzzada atəşkəs razılaşmasının əldə edilməsi ilə bağlı çıxışında deyib: Üç israilli qadın öz iradələrinə zidd olaraq 470 gün qaranlıq tunellərdə saxlanılıb. Digər dörd qadın isə 7 gündən sonra azadlığa buraxılacaq.
Məhbusların azad edilməsi şərtlərinə gəlincə, ABŞ prezidenti əlavə edib: Bundan sonra sazişin birinci mərhələsində hər 7 gündən bir Amerika vətəndaşı da daxil olmaqla daha üç məhbus azadlığa buraxılacaq.
Bayden administrasiyasının son günündə qüvvəyə minən razılaşma ABŞ prezidentinin may ayında təqdim etdiyi planın nəhayət reallaşdığına işarə edib.
