Trampın HƏMAS-a “hədəsi”

ABŞ prezidenti Donald Tramp bildirib ki, Qəzza zolağında saxlanılan israilli məhbuslar azad olunmasa, “cəhənnəm dağıdacaq”.

ABŞ prezidenti Donald Tramp bildirib ki, Qəzza zolağında saxlanılan israilli məhbuslar şənbə günü günortaya qədər sərbəst buraxılmasalar, “cəhənnəm dağıdacaq”.

Oval Ofisdən jurnalistlərə danışan Trump, “bütün əsirlərin” dərhal azad edilməli olduğunu vurğuladı və azadlığın “parça-parça” olmasını istəmədiyini söylədi.

Tramp: “Şənbə günü saat 12:00-a qədər bütün girovların geri qaytarılmasını istəyirik. Öz adımdan danışıram. İsrail bunu dəyişə bilər. Amma şənbə günü saat 12:00-da öz adımdan danışıram. Girovlar burada olmasalar, cəhənnəm dağılar”.

Jurnalistlərin “Cəhənnəm dağılar” ifadəsi ilə nə demək istədiyini soruşduqda, Tramp “Sən də öyrənəcəksən, onlar da. Həmas nə demək istədiyimi anlayacaq” cavabını verib.

Tramp bu hədə-qorxu ilə ilk dəfə deyil ki, ötən ilin dekabrında vəzifəyə başlamazdan əvvəl belə bir təhdid etmişdi. Həmin vaxt Tramp əsirlərin 2024-cü il yanvarın 20-nə qədər azad edilmədiyi təqdirdə “Qəzzəyə cəhənnəmi gətirəcəyi ilə” hədələmişdi.

Lakin Tramp administrasiyası İsrail və Fələstin məhbuslarının mərhələli şəkildə azad edilməsini nəzərdə tutan atəşkəs razılaşmasını da təsdiqləyib.

Trampın son hədəsi Fələstin müqavimətinin İsrail rejiminin atəşkəs razılaşmasını dəfələrlə pozması səbəbindən şənbə günü azad edilməli olan bəzi məhbusları saxlamaq niyyətini elan etməsindən sonra baş verib.

HƏMAS-ın Qəssam Briqadalarının sözçüsü Əbu Ubeydə İsrail rejiminin Qəzza zolağına razılaşdırılmış humanitar yardım çatdırılmasını yerinə yetirməməsini, həmçinin İsrailin işğalçı qüvvələrinin fələstinlilərə çoxsaylı hücumlarını əsas gətirib.

Əbu Ubeydə vurğulayıb ki, Fələstin müqaviməti rəhbərliyi atəşkəs və məhbus mübadiləsi razılaşmasının şərtlərinə yalnız İsrail hakimiyyətinin də eyni şeyi edəcəyi təqdirdə əməl edəcək.