İsrail Suriya sərhədində yeni hərbi bazalar qurur

Peyk görüntüləri İsrail ordusunun Suriya sərhəddində 7 yeni hərbi baza qurduğunu üzə çıxarıb. Bu bazalar İsrailin silahsızlaşdırılmış zonada müdafiə xəttini gücləndirmək məqsədi daşıyır.

Peyk görüntüləri İsrail ordusunun Suriya sərhədində hərbi fəaliyyətini gücləndirdiyini göstərir.

“Haaretz” qəzetinin məlumatına görə, əldə edilən görüntülər İsrail ordusunun hərbsizləşdirilmiş zonanın şimalındakı Suriya Hermon dağından (Şeyx dağı) cənubda, İsrail-Suriya-İordaniya sərhəd üçbucağına yaxın Tel Qudnaya qədər ən azı yeddi yeni forpost qurduğunu göstərir.

Bazalar Suriyanın Hermon dağı, Hadır, Cubat əl-Xəşəb, əl-Hamidiyyə, Kuneytra, əl-Qahtaniyyə və Tel Qudna bölgələrində tikilib.

Nümayəndə heyəti Təhrir əş-Şamın (HTŞ) hakimiyyəti ələ keçirməsindən sonra Suriya ilə İsrail arasında hərbisizləşdirilmiş zonaya daxil olub.

Onların missiyası Suriyadakı münaqişənin İsrail ərazisinə sıçraya biləcəyini bəhanə edərək bölgədəki İsrail yaşayış məntəqələrini qorumaq üçün “müdafiə xətti” yaratmaq idi.

Dekabr ayında İsrail ordusu qüvvələrini orada uzun müddət saxlamağa qərar verdi, hələ bitmə tarixi təyin olunmayıb.

İşğalın bir hissəsi olaraq, hərbçilər hazırda ərazidə qoşunların əməliyyat mərkəzləri kimi xidmət edən yeni postlar tikdilər.

Dekabrın 8-də Dəməşqi ələ keçirən HTŞ lideri Əbu Məhəmməd Kolani və özünü Suriyanın prezidenti elan edən təşkilatdan İsrail işğalı ilə bağlı hələlik heç bir reaksiya yoxdur. 

ydh