Vilayət Eyvazov Lənkəranda qəbul keçirəcək
Daxili işlər naziri Lənkəranda vətəndaşları qəbul edəcək.
APA xəbər verir ki, bu barədə DİN-dən bildirilib.
Məlumata görə, daxili işlər naziri general-polkovnik Vilayət Eyvazov tərəfindən martın 6-da Lənkəran Şəhər Rayon Polis Şöbəsində Lənkəran, Masallı, Astara, Yardımlı, Lerik şəhər və rayonlarının sakinlərinin qəbulu keçiriləcək.
Qəbula yazılmaq istəyən vətəndaşlar Daxili İşlər Nazirliyinin səlahiyyətlərinə aid məsələlərlə bağlı 05.03.2025-ci il tarixədək yaşadıqları ərazinin polis orqanına, habelə DİN-in mia.gov.az internet saytı vasitəsilə və sosial şəbəkələrdəki səhifələrinə müraciət edə bilərlər.
Qəbula gələnlərdən şəxsiyyət vəsiqəsi tələb olunur.
